No puede realizar pedidos desde su país. United States
Ningún producto
Estos precios se entienden IVA incluído
Editoriales
Productos más vistos
RUTH VARELA
9788494788208
Advertencia: ¡Últimos artículos en inventario!
Disponible el:
FLOR DE SANTIAGO
RUTH VARELA
Recipiente :
* Campos obligatorios
total Cancelar
O libro Flor de Santiago narra unha historia de gran poder signifi- cante que nunca foi contada, a historia dunha flor, e sobre todo a historia do nome dunha flor, bautizada polos españois como Flor de Santiago; un nome que é froito do intercambio cultural, cientí- fico e relixioso, que comeza no século XVI, entre México, España e Galicia. A Flor de Santiago é unha das flores de maior beleza e de maior pregnancia simbólica do reino das plantas, unha flor sagrada para os aztecas, que a partir do século XVI vai converterse en obxecto de culto entre as elites europeas, en sinal de espiritualidade, de cultura, de gusto e de distinción. A Flor de Santiago, a atzcalxōchitl azteca, é un símbolo da relación entre América e Europa e, en particular, entre México e España, entre Nueva Galicia e Galicia, entre a cidade mexicana de Compos- tela e a cidade galega de Santiago de Compostela, e entre un gran número de poboacións europeas e americanas que incorporan ao seu topónimo o nome de Santiago. O título deste libro pode resultar en principio pouco familiar para a maioría dos lectores, esquecido como estaba tras o fragor de seculares batallas nominativas. Como exemplo destas batallas, baste dicir que non é casual que no ámbito científico a Flor de San- tiago sexa coñecida hoxe como Sprekelia formosissima; un binomio imposto polas elites botánicas luteranas, ansiosas por ocultar toda referencia a Santiago; non hai que esquecer aquí que o mundo natural era considerado «emanación e símbolo dunha realidade trascendente» e que o exercicio de nomear as plantas había de rea- lizarse en continuidade coa obra da divindade creadora. Coñecidas estas premisas é doado pensar que a palabra Santiago, asociada ao nome común dunha flor cruciforme e de tan extraordinaria beleza, non podía pasar desapercibida. ¿Cal é o significado da Flor de Santiago? ¿Por qué se escolle este peculiar apelativo? ¿Por qué o nome común Flor de Santiago conse-gue pervivir até hoxe na memoria simbólica da cultura mexicana, europea e galega?